Hey, ich bin d'Andrea
dini Fotografin
D’Kamera i dä Hand bedütet für mich viel meh, als nur äs Werkzüg - sie isch min Blickwinkel uf diä Wält, mini Möglichkeit, bsundrigi Augeblick fescht z’haltä und dir än Iblick z’gäh, wie ich dich Gschicht dur mini Linsä gseh.
Während minerä Reis in Nüüseeland, han ich mir bewusst Zyt gno über mini Zuekunft nachä z’dänkä und ich ha mich entschlossä, dä Schritt id Sälbstständigkeit z’wagä.
Ich glaubä fescht dra, dass mir üs im Läbä viel z’viel dur Ängscht und Zwiefel zrugghaltä lönd. Doch wänn mir dä Muet findet, Nüüs z’wagä, entstaht so viel Grossartigs.
Dur dä Schritt han ich erkännt, wiä wichtig dass es isch, öpis z’machä, wo mich uf jedä Tag nüü erfüllt.
Dankbarkeit
dini Zeichnerin
din Hälfer, din Jocker
Ich bin sit em 2018 mit Härzbluet, Präzision und enerä grossä Portion Mitdänkä als usglehrti Zeichnerin unterwägs.
Mis Spezialgebiet sind Schaligs-, Bewehrigs-, Bugruebä- und Stahlbuplän. Für mich langeds nüd, eifach nur Linie z’zieh - ich lieferä Plän, wo klar, nahvollziehbar und praxistauglich sind. So enstönd Unterlage, mit dene uf dä Bustell cha gschaffed wärdä: weniger Rückfragä, weniger Zitverluscht, meh Effizienz.
Bsunders wichtig isch mir d’Kommunikation. Ich losä zueh, fragä nachä und suechä im Ustusch mit Ingenieur, Polier und Buleiter nach Lösigä, wo für alli stimmed. Ich bin überzügt: en guätä Plan isch nüd nur technisch richtig, sonder au verständlich.
Wenn du ä Zeichnerin suechsch, wo Verantwortig übernimmt, vorusdänkt und dini Projekt zueverlässig und kundäorientiert vorwärts bringt - dänn bisch du bi mir genau richtig!
